"PR stönt" söngvara.

Já þær eru misjafnar aðferðirnar sem menn nota til að vekja á sér athygli. (Ein þeirra er vitaskuld að blogga eins og vitleysingur)

Friðrik Ómar virðist hafa farið í einhverja fýlu af því að það var ekki gengið á eftir honum eftir að hann viðraði áhuga sinn á því að syngja þarna við einhverja sem tengjast söfnuðinum, svona miðað við sjónvarpsviðtalið. Og þá er náttúrulega best að hlaupa grenjandi í fjölmiðla og saka söfnuðinn eins og hann leggur sig um hommahatur. Ég reyndar tengist þessum söfnuði ekki á nokkurn hátt og hef ekki hugmynd um hugarfar þeirra sem honum tilheyra. En þetta birtist mér engu að síður sem frekar aumt PR stönt.

Hommar og lesbíur sem fara síðan og kjaftfylla kirkjuna til þess að fara í sleik minnir mig soldið á systkini að rífast. Þegar maður var lítill átti maður það til að gera nákvæmlega það sem fór í taugarnar á stóru systur, þetta minnir mig svolítið á það. Barnaskapur.

P.s. þeir sem vilja síðan svara mér með því að væna mig um einhverja fóbíu gegn samkynhneigðum geta sleppt því, ég á marga góða homma og lesbíu vini, þeir eru fólk eins og annað, kynhneigð þeirra kemur breytir akkúrat engu.

M.b.k.

Sá gamli

Samkynhneigðir kyssast í Fíladelfíu

Þjóðarhagur er ráðgátan

Hvað er málið með þennan ,,þjóðarhag" ? Þessi hópur virðist hafa meiri áhuga á að komast í fréttirnar en að kaupa þetta fyrirtæki. Daglega koma yfirlýsingar frá þessum hóp sem eru hver annarri innantómari. Hvað kemur næst? "Skiptiborð Arion var lengur en 34 sek að svara í símann, líklega samsæri"

Það sem er skringilegt við þetta mál allt saman er að þessi hópur tók sig saman til að reyna að kaupa fyrirtæki sem var ekki til sölu. Jú, bankinn var búinn að leysa til sín hluta þess upp í skuldir, en eigendur þess hafa ennþá meirihluta. Jú, það er búið að flytja lögheimili fyrritækisins í höfuðstöðvar Arion, en það eru einmitt ,,verklagsreglur" þegar fyrirtæki eru endurskipulögð. Ekkert hefur verið gefið í skyn um að fyrirtækið sé til sölu og því skrítið að ,,þjóðarhagurinn" ætti að fá að reyna að kaupa það af eigendunum sem eru að dæla peningum inn í reksturinn.

Ef svo skringilega vildi til að 1998 væri til sölu, af hverju ætti þá að selja það sundurleitum hópi sem virðist ekki hafa neina þekkingu á rekstri smávöruverslana og greinilega hefur minnstan áhuga á því að hagnast á fjárfestingu sinni, ætla að kaupa fyrirtækið á miklu undirverði og stefnan virðist helst vera að gera fyrirtækið sem óhagkvæmast og minnka tekjur þess. Enginn heilvita maður vill kaupa fyrirtæki til að minnka markaðshlutdeild þess.

Ef þessir hugsjónamenn í þjóðarflokkinum, afsakið, Þjóðarhag vilja starfa í smásölu afhverju þá ekki að kaupa sig inn í Kost með Jóni Gerald? Þar væri örugglega vel þegið að koma með peninga í reksturinn þar og það myndi efla samkeppni hressilega. Þá gæti hópurinn líka verið ánægður með mun minni markaðshlutdeild en Hagar hafa í dag.

kv,

ÓS

 

Segja ákvörðun Arion ráðgátu

Dramatík

Það var nú svosem ekki við öðru að búast frá feministum en hysterísku upphlaupi, þrátt fyrir að málið sé orðið 5 ára gamalt.

Ég skal þó viðurkenna það að ég fordæmi mansal og þykir það óhugnalegt. En það er mikill munur á vændi og mansali annars vegar og nektardans hins vegar. Annað er löglegt, hitt ekki.

Það kann vel að vera að hægt sé að rekja mansal til einhverra strípibúlla, alveg eins og það er samhengi á milli áfengis og eiturlyfjaneyslu, en þar er sami grundvallarmunurinn. Annað löglegt, hitt ekki.

Eftir stendur þetta. Það er búið að endurgreiða þessa peninga og það hefur komið fram að kortinu var stolið. Aukinheldur braut maðurinn ekki lög, heldur kom hann illa við siðferðisáttavita einhverra, og á þá öll stjórn KSÍ að segja af sér í kjölfarið 5 árum seinna? Við skulum aðeins róa okkur á drama - tíkinni.

M.b.k.

Sá gamli, sem viðurkennir fúslega að hafa farið á strípistaði.

Fordæma niðurstöðu stjórnar KSÍ

Bullum saman með gildishlöðnum orðum og haldlausum staðhæfingum

,,Ingólfur segir að það eina sem þyrfti að tryggja væri að raunvextirnir yrðu þeir sömu." Hvað eru raunvextir? Jú það eru einmitt þeir vextir sem eru umfram verðbólgu. Ef raunvextir eiga að haldast þeir sömu eftir þessa ,,leiðréttingu" þá þarf hann að breyta skilgreiningunni á verðbólgu og verðlagi. Ætlast hann til að alþingi breyti verðlagi með lagasetningu?

Mög ólíklegt er að einhver banki sé tilbúinn að taka þá áhættu að hafa fasta vexti til 20-40 ára án uppsagnarákvæðis. Þegar lán eru veitt með föstum vöxtum þá eru endurskoðunardagsetningar eða uppsagnarákvæði á 2-3 ára fresti. Þannig að ef vextir hækka eða lækka má bankinn breyta vöxtunum eða segja upp láninu. Þá þarf að taka annað lán með tilheyrandi kostnaði og flækjum.

Svo eru að sjálfsögðu til lán með breytilegum vöxtum, en þeir bíta enn harðar en verðtryggingin svo ekki er hægt að mæla með þeim. Þess má geta að ég athugaði óverðtryggt lán með breytilegum vöxtum fyrir einu og hálfu ár, og mér buðust 27% vextir með veði í fasteign. Góð kjör ekki satt?

Almenningur í landinu virðist ekki átta sig á því að verðtryggð lán eru þau hagstæðustu sem völ er á í þessu umhverfi hárra vaxta og mikillar verðbólgu hér á Íslandi. Hagstæðari lán væru í rauninni gjöf til lántakenda - og hver á að borga þær gjafir? Ekki ég takk fyrir.

kv,

bitri.

Rök fyrir verðtryggingu brostin

Bönnum karlmenn í þingsalnum

Margrét hefur rétt fyrir sér, karlmenn eru til ama. Allt sem er til ama er sprottið af rótum karlmennskunar.

Ég legg því hér með til að karlmenn verði bannaðir í þingsalnum til að vera snyrtilegu þing'mönnunum' ekki til vandræða og óþæginda. Það myndi útrýma tóbaksneyslu í þingsölum, þannig verður líka komist hjá því að kosningahnappar bili, ennfremur verður komist hjá því að karlmenn kjósi yfir höfuð í þingsalnum.

 

kv, 

Hr. Bitur

Kvartaði yfir neftóbaksnotkun þingmanna

Sósíalíska lýðveldið Ísland

Mikilvægt er að jafnræði sé gætt þegar eigendur fyrirtækja eru valdir. Óæskilegt er og ósiðferðislegt, að leyfa aðilum sem hafa sett önnur fyrirtæki í gjaldþrot áður og sér í lagi þá sem hafa síðari hárvöxt en meðaltal segir til um. Velja verður hvítþvegna eigendur með óflekkað orðspor og réttar rætur úr réttum jarðvegi. Það að sömu eigendur séu á gríðarstórri smásölusamsteypu og fyrir bankahrun gengur hreinlega ekki.

Með samvinnu og samstöðu komumst við í gegnum þessa erfiðu tíma. Með því að láta ríkið sjá um rekstur allra fyrirtækja í landinu er öllum tryggð jöfn staða og jöfn kjör. Ekki verður lengur hægt að mismuna fólki eftir þjóðfélagsstöðu eða fyrirtækjaeign. Varast verður að leyfa hægridjöflaöflum að græðgisvæða smásölu og markað með þær vörur sem allir neyta - matvörur. Auka þarf hagræði og einfalda rekstur, sameina búðir og fækka vörutegundum til að geta aukið magninnkaup og þannig lækkað vöruverð. Skattleggja skal lúxusvörur til að draga úr óþarfa gjaldeyriseyðslu. Eðlilegast væri að skammta munaðarvörur, ber þar að nefna klósettpappír og tannkrem, sem er neytt í óþarflega miklum mæli. 

Einkarekin fyrirtæki finnast enn í of miklu mæli hér á landi. Ef fyrirtækjasamsteypubálkn á borð við Haga kemst í hendur ríkisins þá eru okkur allir vegir færir. Saman munum við komast á eðlilegt sósíalískt stig og þá, loksins þá, getum við stært okkur af því að vera með umfangsmeiri ríkisrekstur í verlsun og þjónustu en Sovétríkin, blessuð sé minning þeirra.

Ég sé rauða dögun og betri tíma !

kv, sá bitri.

Tugmilljarða afskriftir?

Hvað varð um ESB skjólið?

Sá gamli hefur verið að rifja upp kosningaloforð Samfylkingarinnar en það var eiginlega bara eitt.

ESB

En það átti líka að redda þessu. Með aðildarumsókn að ESB áttum við aldeilis að sýna umheiminum að okkur væri alvara með endurreisninni. ESB löndin ætluðu að drífa okkur þarna inn og redda málunum svo að við gætum orðið góðir og gildir ESB limir sem fyrst.

Var það ekki annars?

Það er því undarlegt að sjá ESB notað sem vopn á okkur til að samþykkja Icesave.

"Samþykkið þetta eða þið fáið aldrei að ganga hingað inn"

Sá gamli er nokkuð ringlaður útaf þessu og varpar því þessari spurningu til Samfylkingarmanna og ESB sinna.

Hvað varð um ESB skjólið og hvenær breyttist það í þvingunartól?

M.b.k.

Sá gamli.

Icesave ekki á dagskrá í dag

Hvaða frjálshyggja?

Sá gamli verður að viðurkenna að hann fer að verða ansi þreyttur á þessari tísku upphrópun um að hér hafi frjálshyggjan hrunið og þar fram eftir götunum.

Í hverju fólst þessi blessaða frjálshyggja? Varla í því að fara í stærstu einstöku ríkisframkvæmd sögunnar á mesta góðæristíma sem við höfum séð.

Varla í ríkisvæðingu á tapi fyrirtækja.

Varla í sífellt umfangsmeiri opinberum geira.

Nú ber þó að slá þann varnagla strax að sá gamli er ekki gegnheill frjálshyggjugöltur og lætur málflutning slíkra oft fara í taugarnar á sér. Það þarf að skilja hugtakið markaðsbrestur (e. market failure) sem þýðir að markaðurinn er ófær um að dreifa takmörkuðum gæðum á sem hagkvæmasta máta og er það m.a. ástæða þess að samfélög reka löggæslu, heilbrigðisþjónustu og fleira fyrir almannafé (skatt).

En að halda því fram að hér hafi hrunið einhver frjálshyggja sýnir bara að menn skilja ekki hugtakið.

Það sem í raun og veru gerðist hér er ekkert svo ólíkt því sem gerðist víðast hvar annars staðar í kreppunni, það sem skilur að er að bankakerfið var tíföld landsframleiðsla og því var seðlabankinn ófær um að sinna sínu lögbundna hlutverki sem lánveitandi til þrautavara.

Það sem hefði þurft að gerast fyrir löngu er að koma bönkunum úr landi því það var orðið ljóst að ef eitthvað færi úrskeiðis hér á landi myndi það gerast með tilþrifum. Og helst hefði sá þrýstingur þurft að koma frá seðlabankanum sjálfum því ekki fara pólitíkusar að bola bönkunum burt þegar einn þeirra borgar fyrir menntakerfið eins og það leggur sig með skattgreiðslum.

m.b.k.

Sá gamli

„Tilraunin mistókst“ með herfilegum afleiðingum

Lilja bullar áfram

Lilja vill afskrifa húsnæðislán og afnema verðtrygginguna.

Hljómar fallega og örugglega vel meint. Það sem vantar upp á þessa hugsun er að hugsa hana alla leið. Hver á að borga brúsann við niðurfellinguna?

Ætla Lilja og Margrét að niðurfella skuldabréf sem ríkið hefur gefið út (t.d.HFF bréfin) og þannig láta skellinn á fjármagnseigendur? Það hljómar vel þar sem allir fjármagnseigendur eru illir apar o.s.frv. En það gleymist oft sumir eiga mikið undir ríkisskuldabréfum, fyrirtæki eins og MP Banki og Auður Capital eru með lang stærstan hlut eigna sinna í ríkisskuldabréfum. Líklegt er að þessi fyrirtæki færu beint á rassinn og þaðan á hausinn ef niðurfellingin færi á fjármagnseigendur. Ekki þarf að fjölyrða um eldriborgara og aðra sem eiga einhvern sparnað, en flestar sparnaðarleiðir í boði í dag eru einmitt í ríkisskuldabréfum (þá helst verðtryggðum HFF skuldabréfasjóðum) ... Svo er óþarfi að taka fram að heittelskað lánshæfismat Íslands dytti endanlega í ruslatunnuna við slíka niðurfellingu, niðurfelling er jú ekkert annað en ,,default".

Hinsvegar gæti Lilja tekið upp á því að láta ríkið borga þetta, til að halda ríku öpunum góðum. Þá þyrfti að hækka skatta enn meira, eða leggja niður 1-2 ríkisstofnanir í nokkur ár. Tilvalið væri að hætta að reka nokkur sjúkrahús og menntaskóla, í 3 ár eða svo, til að geta greitt þessa niðurfellingu. 

Svo mikil niðurfelling er afar kostnaðarsöm og vafasöm, þarna væru felld niður lán hjá fólki sem er vel í stakk búið að borga af fullum lánum ekki bara þeim sem eru í vanda staddir. 

Afleiðingar leiðréttingar Árna Páls verða líklega nægir vandræðagemlingar.

kv,

bitur ÓS

 

Ekki nógu langt gengið

Völdin í fyrsta sætið...

Fær einhver annar en ég flashback? Ca. 8 mánuði aftur í tímann kannski?

M.b.k.

Sá gamli.

Styðja áframhaldandi samstarf