Markaðsmisnotkun

Bíðum hæg.

Seðlabanki Evrusvæðisins lánar seðlabönkum aðildarlanda peninga til að kaupa grísk, pórtúgölsk og spænsk ríkisskuldabréf. Þetta er gerrt til þess að halda niðri fjármagnskostnaði þessara landa. Það virðist virka því hlutabréfa- og skuldabréfavísitölur hafa rokið upp um allan heim í dag. 

Nú veltir maður, vanfróður, fyrir sér. Hver er munurinn á þessum aðgerðum og því sem Kaupðþing og hinir íslensku bankarnir gerðu síðustu vikurnar fyrir hrun? Eru seðlabankar hafnir yfir lög um markaðsmisnotkun? Hvar liggja þá mörkin? Mega einungis stjórnvöld hafa áhrif á markaði til að bjarga vinum sínum frá gjaldþroti en bankar hafa ekki leyfi til að draga úr fjármögnunarkostnaði sínum með sama móti?

Nú skil ég ekki.

kv,

ÓS

Gríðarlegar hækkanir á mörkuðum

Athugasemdir

[Guðmundur Ásgeirsson, 10.5.2010 kl. 20:01]

Jú, þú skilur þetta einmitt upp á hár, það er nákvæmlega málið! Þeir sem þarna véla um ráðin reyna hinsvegar að gæta þess að enginn fatti neitt. Þess vegna eru menn eins og ég og þú undantekningalaust rakkaðir niður um leið og við byrjum að hafa óþægilega hátt.

Bara svo að það sé alveg á hreinu, þá hangir fjármálakerfi vesturlanda rétt svo uppi núorðið á sjálfstraustinu einu saman, en orðið con sem er almennt hugtak yfir svik er einmitt stytting á hugtakinu confidence fraud. Mikil hækkun sem varð á hlutabréfum í Goldman Sachs um leið og bankinn var kærður fyrir fjársvik, segir líklega allt sem segja þarf um þetta ófremdarástand, fyrst að flinkustu svindlararnir eru um leið einu álitlegu fjárfestingarkostirnir.

Ef allir svikapappírar sem glæpamenn í bönkum heimsins hafa gefið út myndu gjaldfalla á sama tíma, þá væri heimurinn gjaldþrota ekki einu sinni og ekki tvöfalt heldur a.m.k. tífalt! Bara afleiðurnar eru yfir tvær milljónir kr. á hvert einasta mannsbarn á plánetunni, og þá eru hvorki beinar skuldir lögaðila né opinberar skuldir einu sinni taldar með. Hegðun bankakerfisins má að þessu leyti líkja við mann sem gefur út stafla af innstæðulausum ávísunum en tekur sénsinn á því að þær verði ekki innleystar allar samtímis og honum takist á einhvern undraverðan hátt "redda meiri pening" áður en það gerist. Í mínu ungdæmi var svona lagað kallað fjárglæfrar og taldist glæpsamlegt athæfi.

Ég hef alveg prófað að borga VISA reikninginn með VISA kortinu, og jú það er sko hægt... í svona tvo mánuði eða þangað til reikningurinn hefur tvöfaldast. Það er nokkurnveginn þannig sem flestar ríkisstjórnir heimsins virðast ætla sér að kljást við vandamálið, prenta bara peninga til að borga skuldirnar með án þess að nein viðbótarverðmæti liggi til grundvallar. Einhverntímann kemur hinsvegar að því að pappírinn klárast og blekið verður búið!

[Ólafur Gíslason, 10.5.2010 kl. 22:35]

Þetta er allt annar hlutur en það sem bankarnir virðast hafa gert.  Þetta er aðgerð sem allir sjá og vita hvað er verið að gera ef þeir hafa á annað borð vit á mörkuðum (sem ég hef ekki).  Það er verra ef einhverjir aðilar eru að pukra sig saman og velta í gegnum heilt færiband af eigarhaldsfélögum til að slá ryki í augu eftirlitsaðila og hylja spor sín. Hvort þetta er allt saman eitt samsæri er umræða sem ég hætti mér ekki út í.  Það er aldrei að vita hver er að hlusta, hehe.  Þú getur alveg greitt Visa reikninginn með Visa kortinu og ekkert að því á meðan þú átt fyrir vöxtunum og getur greitt á gjalddaga.  Það er verra ef þú borgar líka vextina með kortinu því þá sígur hægt og rólega á ógæfuhliðina þvi einn daginn ertu kominn yfir heimild og þá hrynur spilaborgin.

[Júlíus Björnsson, 11.5.2010 kl. 03:30]

Meðan almenningur í EU hefur nóg af lágvöru geta hlutahafar fjármálgeirans haldið áfram að spila. 

[Guðmundur Ásgeirsson, 14.5.2010 kl. 22:59]

Ólafur: "Þetta er aðgerð sem allir sjá og vita hvað er verið að gera ef þeir hafa á annað borð vit á mörkuðum (sem ég hef ekki)."

Þess vegna myndirðu einmitt ekki gera þér grein fyrir því ef þú byggir í Evrulandi, að með þessari aðgerð væru þeir að láta þig og alla aðra sem hafa tekjur í Evrum, niðurgreiða björgunaraðgerðirnar fyrir lánadrottna Grikklands (ekki Grikkina sjálfa)! Þeir geta leyft sér að gera þetta opinberlega einmitt vegna þess að skattgreiðendurnir sem borga brúsann skilja almennt hvorki hið sanna eðli fjármagns né hvernig peningar eru búnir til og hvaða afleiðingar það hefur. Þannig er ránið falið fyrir framan augu almennings, en þeir þurfa hinsvegar ekki að fela það fyrir "aðilum á markaði" (bönkunum) því það eru einmitt þeir sem er verið að "bjarga", a.m.k. þeim sem voru nógu vitlausir til að lána Grikkjum meira en þeir geta borgað.

Það sem ég átti við með dæminu varðandi VISA reikninginn, er einmitt það sem þú bendir á að maður getur alveg borgar reikninginn með kortinu sjálfu ef maður á fyrir vöxtum. Maður gerir það hinsvegar ekki nema það sé þá þegar í óefni komið, hvort sem það er viljandi eða "vegna slæmra aðstæðna á fjármálamörkuðum" eins og bankamenn kalla það þegar þeir eru blankir. Samkvæmt þessu mætti einmitt álykta að Evrusvæðið sé komið í óefni.