Á maður að trúa því?

Eftir að hafa séð þetta og þetta á maður einhvernveginn bágt með að trúa því að þetta fólk hafi komið í sérstaklega friðsamlegum erindagjörðum.

Fæ ekki séð að það að hlaupa niður starfsmenn stöðvar tvö eða kokkinn á borginni sé rosalega friðsamlegt.

Sorry aðgerðasinnar (vil ekki kalla ykkur mótmælendur, það er of vítt hugtak), ég bara trúi þessu ekki.

Sá gamli

Mótmælin áttu að vera friðsamleg

Athugasemdir

[Kristján Logason, 31.12.2008 kl. 18:00]

Mótmælin virðist mér fara eftir einfaldri hugmyndafræði. Trufla starfsemi og hafa hátt. Hér brást lögreglan að því mér virðist rangt við og hugsanleg mjög rangt með beitingu táragass í andyrinu.

 Mér sýnist sem svo að logreglan sé að fara a taugum og ráði ekki við verkefnið enda finnst þeim ekkert gaman að þurfa að vera í þessu hlutverki.

Hér má segja að yfirstjórn lögreglu hafi brugðist því allir vissu af þeirri uppákomu sem stóð til og lögreglan hefði alveg getað haft öðruvísi stjórn á málum og mun friðsamari

[Aliber, 31.12.2008 kl. 18:06]

Trufla starfsemi og hafa hátt er eitt. En það sem sést á þessum myndböndum, og fleirum er annað. Þarna klifra mótmælendur yfir 2 metra hátt, læst hlið til að komast inn að bakdyrum Borgarinnar. Það er með öðrum orðum innbrot, þeim er ekki ætlað að fara þangað.

Starfsmenn Stöðvar 2 og Borgarinnar reyna að stöðva fólkið, fólkið hendir því frá og reynir að komast lengra inn. Ásetningurinn er orðinn nokkuð skýr.

Og síðan er tækjabúnaður Stöðvar 2 skemmdur.

Allt þetta áður en táragasi er beitt, sé ekki margar færar leiðir fyrir lögregluna verð ég að segja.

Sá gamli