Þvílíkt hneyksli !!!!!!11 - eða hvað?

Hvað er að gerast með Íslendinga?

Bakkabræður bjóða sanngjart verð fyrir Existu. Bloggheimur springur í loft upp í samsæriskenningum, upphrópunum, svívirðingum, Villhjálmi Bjarnasyni, nafnaköllum, kastljósviðtölum og fleiru rugli í framhaldinu. Klassík.

Höfum þetta á hreinu:

Exista er ekki meira virði en þetta. BakkaBRæður ehf. gerir sanngjart tilboð í fyrirtækið og hálft Ísland ætlar um koll að keyra í kjölfarið. Hvað er að helmingi Íslendinga?  Fólk kemur fram í fjölmiðlum og segir að verið sé að ræna ævisparnaðinum sem sumir settu í hlutabréf því þau hafi lækkað í verði. Sumir átta sig ekki á því að hlutabréf geta hækkað og LÆKKAÐ í verði. Ef fólk vill stunda fjárhættuspil með ævisparnaðinn þá þýðir ekki að verða fúll út í dílerinn ef maður tapar vegna lélegrar spilamennsku. 

Það að halda því fram að verð Existu ætti að vera hærra ættu að hugsa sig tvisvar um. VÍS blæðir seðlum í hverjum mánuði (því tryggingafélög eru jú ekkert nema ,,glorified" fjárfestingafélög sem tapa á tá og fingri þessa dagana), Síminn stendur ekki sem best með hressilegar skuldir og dvínandi viðskipti. Óhætt held ég sé að segja að ekkert félag í eigu Existu muni skila hagnaði næstu 1-2 árin og virði samsteypunnar er jú núvirðing á væntum hagnaði dótturfélaganna... Einnig væri sniðugt að skoða síðustu viðskipti með félagið áður en það fór af markaði, sláandi nálægt yfirtökutilboðinu ekki satt?

Persónulega tel ég þetta fyrirtæki og dótturfélög þess betur sett í höndum bræðranna en vanhæfra ríkisbanka og útbrunnina stjórnmálamanna sem stjórna þeim. Nema almennur vilji sé að ríkisvæða allt til að auðvelda vinum ,,réttra" stjórnmálamanna að verða ríkum í framhaldinu.

Þótt að Lýður og Ágúst hafi lagt til hliðar pening og hafi efni á að setja fjármagn í andvana fyrirtæki þýðir ekki að þeir séu glæpamenn... Við kúrekar lyklaborðanna sjáum ekki um að dæma glæpamenn, það er í höndum þar til gerðra stofnanna. En í dag þykir ósiðlegt að eiga pening og vera ríkur, helst glæpsamlegt. Og ef fyrirtæki dirfist að skila hagnaði þá er verið að arðræna þjóðina! Þvílíkt siðleysi!!

Ég hefði betur gert eins og bræðurnir og lagt arðgreiðslurnar til hliðar í sparnað í stað þess að kaupa mér hamborgara á Stælnum, gott væri að eiga 1500kr. aukalega í dag. Ekki ætla ég að kenna Ágústi og Lýð um mína vitleysu og það ættu aðrir ekki að gera heldur.

kv, Bitur ÓS

Tilboðsverðið samþykkt af Fjármálaeftirlitinu

Athugasemdir

[Arnar (IP-tala skráð) 20.4.2009 kl. 00:43]

Þetta er að stórum hluta mjög rökrétt hugsað hjá þér, ég var hluthafi og var Exista stærsta eigninn í vel dreifðu eignasafni. Ég hef gert mér fulla grein alveg frá því að ég keypti mín fyrstu hlutabréf einmitt í uppboði á hlut kaupþings í Exista að ég gæti tapað öllu og er í engu ósáttur við það sem hefur gerst. 

 Ég mun samt aldrei taka tilboðinu í fysta lagi er peningurinn ekki vinnunar virði á aðeins að fá um 600 krónu.

Hinsvegar hef ég alltaf verið ósáttur við gjörning á síðasta hluthafafundi en ég gat ekki mætt á hann vegna dvalar erlendis og mikilar vinnu við að bjarga öðrum verðmætum. þar kom fram hugmynd frá stjórninni að ákveðnir eigendur  mættu leggja verðmæti inn í fyrirtækið og þyrftu þau ekki að vera í formi peninga, afhverju var sett þetta ákveðnir eigendur? jú til að þeir gætu síðar uppfylt lögboðna skildu sína og yfirtekið fyrirtækið   

[Arnar (IP-tala skráð) 20.4.2009 kl. 00:47]

Ég veit alveg hvernig hluthafafundir virka þeir áttu 40% og ljóst að sennilega mundu það margir ekki nýta sér atkvæðisrétt sinn svo að þeir hefðu þegar 50%, félagi minn fékk líka upphringingu og tilboð í hlutinn voru þeir að tryggja sér meirihluta fyrir fund? það sem ég á við afhverju lagði stjórninn strax í upphafi til mismununar?

[Jón Þorgeirsson (IP-tala skráð) 20.4.2009 kl. 02:29]

Það eru tvær mikilvægar staðreyndir í þessu, sem gleymast í umræðunni:

1) Félagið BBR tekur lán og fær tryggingu frá Lýsingu sem er í fullri eigu Exista. Með öðrum orðum eru stærstu hluthafarnir að gera minni hluthöfum yfirtökutilboð og Exista tekur ábyrgðina!

2) Ef fyrirtækið er svo lítils virði hvers vegna vilja þeir taka það yfir. Vegna þess einfaldlega að fyrirtækið er þó nokkurs virði og á VÍS, Lífís, Símann og Lýsingu sem eru góðar eignir og þeir telja sig væntanlega fá niðurfellingu skulda Exista.

Vandamálið er að ekkert plagg er laggt fram um hverjar áætlanir eigenda eru um félagið og að það sé bara bent á "hlutlaust" mat frá PWC.

[Guðmundur Pétursson, 20.4.2009 kl. 02:45]

Þessi gjörningur stinkar af innherjaupplýsingum sem glæpabræðurnir hafa aðgang að en ekki hinn alemenni hluthafi.