Lilja bullar áfram

Lilja vill afskrifa húsnæðislán og afnema verðtrygginguna.

Hljómar fallega og örugglega vel meint. Það sem vantar upp á þessa hugsun er að hugsa hana alla leið. Hver á að borga brúsann við niðurfellinguna?

Ætla Lilja og Margrét að niðurfella skuldabréf sem ríkið hefur gefið út (t.d.HFF bréfin) og þannig láta skellinn á fjármagnseigendur? Það hljómar vel þar sem allir fjármagnseigendur eru illir apar o.s.frv. En það gleymist oft sumir eiga mikið undir ríkisskuldabréfum, fyrirtæki eins og MP Banki og Auður Capital eru með lang stærstan hlut eigna sinna í ríkisskuldabréfum. Líklegt er að þessi fyrirtæki færu beint á rassinn og þaðan á hausinn ef niðurfellingin færi á fjármagnseigendur. Ekki þarf að fjölyrða um eldriborgara og aðra sem eiga einhvern sparnað, en flestar sparnaðarleiðir í boði í dag eru einmitt í ríkisskuldabréfum (þá helst verðtryggðum HFF skuldabréfasjóðum) ... Svo er óþarfi að taka fram að heittelskað lánshæfismat Íslands dytti endanlega í ruslatunnuna við slíka niðurfellingu, niðurfelling er jú ekkert annað en ,,default".

Hinsvegar gæti Lilja tekið upp á því að láta ríkið borga þetta, til að halda ríku öpunum góðum. Þá þyrfti að hækka skatta enn meira, eða leggja niður 1-2 ríkisstofnanir í nokkur ár. Tilvalið væri að hætta að reka nokkur sjúkrahús og menntaskóla, í 3 ár eða svo, til að geta greitt þessa niðurfellingu. 

Svo mikil niðurfelling er afar kostnaðarsöm og vafasöm, þarna væru felld niður lán hjá fólki sem er vel í stakk búið að borga af fullum lánum ekki bara þeim sem eru í vanda staddir. 

Afleiðingar leiðréttingar Árna Páls verða líklega nægir vandræðagemlingar.

kv,

bitur ÓS

 

Ekki nógu langt gengið

Athugasemdir

[Kristinn Pétursson, 7.10.2009 kl. 16:36]

Lilja er ekkert að bulla. Þú ert að því.

Bankakerfið  er að fá afskriftir hjá erlendum lánendum (kröfuhöfum)... allar þær afskriftir sem þeir fá - eiga að fara í afskriftir áfram til  að afskrifa undirmálslán innanlands - nema hvað?  Finnst þér að bankinn eigi að "stinga þessu á sig"???

Opinberir sjóðir - Íbúðalánasjóður o.fl. - eru lagalega skyldugir - til að afskrifa sín undirmálslán ( öll lán umfarm 95% af söluverði eignar) í SÍNU lánasafni.

Opinberum sjóðum er óheimilt að skrá falskar "eignir"  í efnahagsreikning viðkomandi sjóðs.  Þetta eru bókhaldsreglur - og kröfur endurskoðanda þessara sjóða - eiga að vera að  ársreikningur sjóðsins sýni rétt mata eigna - en ekki falskt eignarmat.

Þegar sjóðurinn hefur afskrifað öll sín undirmálslán  í sínu bókhaldi...

 þá getur sami sjóður óskað eftir umsóknum frá palla og gunnu  - um niðurfellingu undirmálslána  - Þú getur þá sótt um - ef þú skuldar húsnæðislán sem er yfir 95% af söluverði eignar.....

mismunurinn á einfaldlega að afskrifast.

Ef svo "eigið fé" Íbúðarlánasjóðs er ekki nóg - við þessar aðstæður - verður ríkið að leggja fé í sjóðinn. Svona verður þetta að vera gert - hvort svo sem einhverjum líkar betur - eða verr...  þetta er allt þær reglur  og lög sem eru í gildi - og skylt er að fara eftir

[Aliber, 7.10.2009 kl. 16:57]

Athyglisvert. Eða þó ekki svo.

Íbúðalánin voru færð inn í nýju bankana sem eign. Það verð sem þær eru bókfærðar á skiptir í raun ekki máli því ef þau verða færð flatt niður um einhverja prósentu þarf að afskrifa í jöfnu hlutfalli af eigninni. Bankar á Íslandi þurfa að hafa ákveðið eiginfjárhlutfall og því þyrfti ríkið í framhaldinu að leggja meiri peninga inn í þá. (eins og ég sagði, skattgreiðendur borga)

Sama saga er með Íbúðalánasjóð, ef lán frá þeim eru lækkuð þá þarf að lækka skuldabréf sjóðsins á móti (eins og ég lýsti áðan) eða fá greiðslu frá ríkinu sem kemur frá skattgreiðendum. 

Því segi ég, Lilja bullar ef hún heldur að þetta gangi upp.

[Aliber, 7.10.2009 kl. 17:01]

Ok, þetta gæti gengið upp hjá Lilju og Kristni, en það væri óþægilega ksotnaðarsamt - og í flestum tilfellum óþarft því lán hjá fólki sem getur borgað sínar skuldir væru færð niður.

Það er voða notarlegt að fá niðurfellingu á skuldum, en lán eru í eðli sínu til þess að greiða þau til baka er það ekki?