Sósíalíska lýðveldið Ísland

Mikilvægt er að jafnræði sé gætt þegar eigendur fyrirtækja eru valdir. Óæskilegt er og ósiðferðislegt, að leyfa aðilum sem hafa sett önnur fyrirtæki í gjaldþrot áður og sér í lagi þá sem hafa síðari hárvöxt en meðaltal segir til um. Velja verður hvítþvegna eigendur með óflekkað orðspor og réttar rætur úr réttum jarðvegi. Það að sömu eigendur séu á gríðarstórri smásölusamsteypu og fyrir bankahrun gengur hreinlega ekki.

Með samvinnu og samstöðu komumst við í gegnum þessa erfiðu tíma. Með því að láta ríkið sjá um rekstur allra fyrirtækja í landinu er öllum tryggð jöfn staða og jöfn kjör. Ekki verður lengur hægt að mismuna fólki eftir þjóðfélagsstöðu eða fyrirtækjaeign. Varast verður að leyfa hægridjöflaöflum að græðgisvæða smásölu og markað með þær vörur sem allir neyta - matvörur. Auka þarf hagræði og einfalda rekstur, sameina búðir og fækka vörutegundum til að geta aukið magninnkaup og þannig lækkað vöruverð. Skattleggja skal lúxusvörur til að draga úr óþarfa gjaldeyriseyðslu. Eðlilegast væri að skammta munaðarvörur, ber þar að nefna klósettpappír og tannkrem, sem er neytt í óþarflega miklum mæli. 

Einkarekin fyrirtæki finnast enn í of miklu mæli hér á landi. Ef fyrirtækjasamsteypubálkn á borð við Haga kemst í hendur ríkisins þá eru okkur allir vegir færir. Saman munum við komast á eðlilegt sósíalískt stig og þá, loksins þá, getum við stært okkur af því að vera með umfangsmeiri ríkisrekstur í verlsun og þjónustu en Sovétríkin, blessuð sé minning þeirra.

Ég sé rauða dögun og betri tíma !

kv, sá bitri.

Tugmilljarða afskriftir?

Athugasemdir

[Herdís (IP-tala skráð) 2.11.2009 kl. 12:56]

Guð minn góður!

Ég ætla rétt að vona að þú sért að grínast með þetta bull sem kemur útúr þér vinur!!!! Alveg rétt að við verðum að losa okkur við Jón Ágeir og félaga en að verða sovétríkin upp máluð aftur segjir mér að þú veist ekkert um söguna og það sem þetta hryllilega veldi gerði þegnum sínum!! Morð í morð ofan ef þú fylgdir ekki stefnu þeirra og enn eru löndin sem urðu þessari sósalísku stefnu að bráð  enn að súpa seiðið af því og þetta er það sem þú ert að óska samlöndum þínum!!! Vosbúð og fátækt er þín lausn á málinu!!! Ég legg nú bara til að þú flytjir til einhverra af fyrrverandi austantjaldslandanna og sjáir hvort þú sért ekki ánægður með lífið þar.. ekki er það fólk sem býr þar í skýjuum yfir að eiga heima þar og flýr umvörpum til að reyna eignast betra líf!!! Drífðu þig bara við þurfum ekkert á svona jólasveinum eins og þér að halda hér.. Bless!!!

[Rúnar Freyr Þorsteinsson, 2.11.2009 kl. 14:46]

Félagi Aliber.

Verkastéttin mun rísa og fella auðvaldssinnana, nýjir tímar munu koma, Fólkslýðveldið Ísland mun verða sem blys sem þeytir fagurrauðum ljósbjörmum í allar áttir og logar þessir munu brenna þá miklu gróða og auðvaldshyggju sem hér ríkir. Legg ég einnig til að fána vorrar þjóðar verði breytt svo hamarinn og sigðin muni lýsa þann annars fagra þjóðfána sem við höfum. Segjum upp sambandi við auðvaldssinna ESB og USA og bjóðum Norður Kóreu stjórnarsamstarf því að einungis þeir skilja nú þá stefnu sem þjóð okkar ætlar að taka, einnig munu þeir örugglega geta lagt fram eldrauðann dansflokk til að taka þátt í þegar boðskap okkar verður sjónvarpað um gjörvalla Evrópu í Eurovision 2010

Við skulum skjótum upp gervihnetti til að útvarpa þeim mikla boðskap sem við höfum fram að færa og mun það verða einnig mikil innspýting í vort efnahagslíf því smíði gervihnatta mjög flókin er og krefst sérfræðikunnáttu og sprotafyrirtækja.

Lifi byltingin.

Húrra.