Hvað á þetta að þýða Hermann?

Ja nú er Aliber hissa. Fyrirtæki í rekstri á kreppuklakanum sem skilar hagnaði. Þetta eru fréttir til næsta bæjar og jafnvel lengra. Maður hélt að það væri ekki hægt að reka fyrirtæki yfir núllinu í þessu árferði, það væri tilgangslaust að einusinni reyna.

Það eina sem kemur til greina er að það sé verið að svindla á neytendum með því að rukka himinhátt verð fyrir eldsneyti og þjónustu. T.d. hef ég heyrt að súkkulaðistykki hjá NEinum séu allt að 4% dýrari en á sambærilegum stöðum. 

Það er algerlega ósiðlegt að skila hagnaði þegar fólk er að missa vinnuna hér og þar í samfélaginu vegna tapreksturs og lélegra stjórnunarhátta í öðrum fyrirtækjum. N1, við fólkið, krefjumst þess að þið látið reksturinn ganga verr til að hækka almenningsálitið. Óþarfi er að ráða nýtt starfsfólk eða þess háttar enda líður flestum vel á atvinnuleysisbótum.

Ef þið hættið þessu ekki, þá neyðumst við til að hringja í Skattgrím J og láta hann leggja enn einn skattinn á ykkur til að berja niður þennan hagnað.

over and out

Hagnaður hjá N1

Athugasemdir

[jhb (IP-tala skráð) 1.12.2009 kl. 13:24]

Rosalega átt þú bátt ef að þín heitasta ósk sé að berja niður hagnað hjá fyrirtækjum í landinu.......Er það svona hræðilegt að fyrirtæki síni hagnað ??....Í hvaða veröld lifir þú vinur ??.....

[Gummi (IP-tala skráð) 4.12.2009 kl. 00:21]

jhb: ég held að þetta hafi verið grín og örugglega meint sem hrós til N1 fyrir að skila hagnaði á svo erfiðum tímum...