Rétt hjá Sigurði?

Getur verið að Sigurður Einarsson hafi rétt fyrir sér?

Nú hefur öllum verið sleppt sem hnepptir voru í gæsluvarðhald og engar ákærur gefnar út. Nú hefur sérstakur saksóknari frest til  27. maí n.k. að kæra þá. Annars fer þetta að lykta illa af þeim sirkúsæfingum sem Sigurður lýsti.

Er þetta allt eitt leikrit þar sem mönnum er haldið í gæsluvarðhaldi til þess eins að sefa hefnarþorsta þjóðarinnar og stjórnvalda?

Ég vona svo sannarlega ekki,  tíminn mun leiða í ljós.

kv,

Sleppt úr haldi

Athugasemdir

[Sigurður Haraldsson, 17.5.2010 kl. 22:41]

Það verður ekki liðið að þeir sleppi!

[Aliber, 17.5.2010 kl. 22:55]

En ef þeir brutu engin lög?

[HH (IP-tala skráð) 17.5.2010 kl. 23:42]

Mér verður flökurt þegar ég les komment Sigurðar Haraldssonar hér að ofan þegar hann segir " það verður ekki liðið að þeir sleppi". Málið snýst um hvort mennirnir hafi brotið lög eða ekki málið snýst ekki um hvað almenningi finnst eða finnt ekki. Látum dómskerfið vinna sína vinnu og hættum skrílslátum á meðan. Það sem Sigurður gefur í skyn með orðum sínum er að það sé sama hvort þeir hafa brotið lög eða ekki líðurinn vilji sjá blóð. Ógeðsleg hugsun !

[Guðmundur Pétursson, 18.5.2010 kl. 00:34]

Þetta eru siðblindir glæpamenn.

Lögfræðingarnir Gestur Jónsson og Sigurður G. Guðjónsson eru hinsvegar sínu verri.  Þeir selja sálu sína fyrir smá pening og fyrir þá er sannleikurinn algjört aukaatriði.  Þessir menn eru sníkjudýr á þjóðfélaginu og hafa það eina markmið að skara sem mestan eld að eigin köku sama hvað það kostar fyrir þjóðfélagið í heild.

Það er ekki til meiri mannlegur viðbjóður á Íslandi en þessir tveir aumingjar.  Nauðgarinn sem var dæmdur í 8 ár um daginn, er bara engill í samanburði við þessi 2 viðrini.

[Örn (IP-tala skráð) 18.5.2010 kl. 01:08]

Sigurður Haraldsson og Guðmundur Pétursson - hvað gengur eiginlega að ykkur?

"Það verður ekki liðið að þeir sleppi!"

"Nauðgarinn sem var dæmdur í 8 ár um daginn, er bara engill í samanburði við þessi 2 viðrini"

Þarna eruð þið, eins og svo allt of margir, að taka mennina af lífi ÁN dóms og laga. Látið eins og þeir séu heima að horfa ótruflaðir á enska boltann í góðu yfirlæti. ÞAÐ ER verið að vinna að þessum málum og það er gert eftir lögum og reglum. Skýrslutökur fara fram, málið er rannsakað frá öllum hliðum til hlýtar og menn handteknir og mönnum sleppt eftir því. Að lokum verður svo dæmt í öllum þessum málum og sakborningar fá dóma, eða fá ekki dóma. Óþolandi rugl í ykkur!

Þetta komment með að nauðgari "sé engill" í samanburði við þessa tvo menn er ógeðslegt. Nauðgari er sá sem þvingar aðra manneskju til kynferðislegst samræðis við sig. Gerið þetta ekki að gamni ykkar.

[Tómas Waagfjörð, 18.5.2010 kl. 02:38]

Þið verðið að átta ykkur á því að lög eru samin af mönnum, og menn eru ekki óskeikulir. Ef menn sem stela þúsundum milljörðum sleppa vegna einhverra gloppu í lögum þá er hægt að gera ráð fyrir því að fólkið sem samdi lögin hafi með svona fjársvikamál í huga, ekki endilega af þessarri stærðargráðu en eitthvað svipað.

Nær öll lög sem samin eru miðast við að vernda auðmenn og viðhalda valdinu, svoleiðis hefur það alltaf verið og því miður þá virðist að það muni alltaf verða þannig. 

Og annað, fólk er sekt um leið og það fremur glæpinn, ekki eftir að einhver dómari segir það.

[Aliber, 18.5.2010 kl. 08:49]

Tómas: Rangt, maðr er sekur þear sekt sannast.

Lög eru leikreglur landsins og alþingi er treyst til þess að bæta þau. Ef lögin banna ekki e-ð þá er það löglegt.  Nú eru eflaust margir sem vilja breyta því og hafa lögin þannig að ef eitthvað er ekki leyft skv. lögum þá er það bannað?