Reyndar rétt hjá honum.

Sama hversu ósáttur maður kann að vera, hversu reiður, hversu mikið sem mann þyrstir í blóðsúthellingar. Þetta er rétt hjá Gylfa. Það bætir ekki hag nokkurs manns að rjúka til alþingiskosninga núna með engum fyrirvara, við verðum að vera raunsæ, ástandið mun bara versna. Hann nefnir einnig að það mætti kjósa fyrr en 2011 (nokkrir bloggarar virðast gleyma því í skrifum sínum við þessa frétt) en að rjúka til núna er fullkomlega fráleitt. Það verður að klára þau verk sem eru í gangi, alþingi verður að fá að starfa áfram, nóg er víst um.

Ég vil hins vegar leggja eftirfarandi til.

Fengnir verða sérfræðingar úr háskólanum (Gylfi Zoega, Þorvaldur Gylfa einhverjir úr þessum hópi sérfræðinga sem við eigum) til þess að taka við Seðlabankanum (Davíð og þeir út) og umsjón með vinnunni í kringum IMF lánið. Þeir ráða því hvaða erlendu sérfræðingar koma að verkinu (þeir þekkja til innan bransans) og í þessa vinnu verður farið án þess að ríkisstjórnin stjórni þar verkum, hún fær einungis upplýsingar um gang mála. Ríkisstjórnin getur þá sinnt öðrum verkum s.s. heilbrigðis og menntamálum og öðru slíku en verður eftir sem áður að fara að því í efnahagsmálum sem sérfræðingarnir leggja til.

Og til að fá ekki fullyrðingarnar yfir mig, ég kaus hvorugan stjórnarflokkinn í síðustu kosningum.

Með kveðju.

Sá gamli.

Kosningar eru hættuspil

Athugasemdir

[Rúnar Þór Þórarinsson, 27.11.2008 kl. 17:45]

Það er samt þvæla að BOÐA ekki kosningar með skikkanlegum fyrirvara, t.d. í mars eða apríl. Það er ekki ávísun á ójafnvægi og glundroða heldur yfirlýsing um virkt lýðræði og einbeittan vilja til þess að breyta núverandi ástandi. Það myndi styrkja stöðu okkar inn á við og út á við, og lægja þær öldur ósættis og sofandi ofbeldis.

[Skaz, 27.11.2008 kl. 18:23]

Það má alveg boða það að í Mars þegar yfirstandandi þingi lýkur þá verði boðað til kosninga. Sé ekki þann glundroða sem það skapar. Held að þetta sé ímyndaður vandi sem menn magna upp vegna þess að þeir telja að stjórnin geti nú þegar slitið samstarfinu af minnsta tilefni.

Vissan um dagsetningu kosninga núna myndi lægja marga ölduna. T.d. púðurtunnuna sem safnast saman á Austurvelli vikulega.

Það er alltaf jákvætt þegar fólk hefur einhverja festu sem það sér í framtíðinni.