Ekki hræddur við að vera óvinsæll

Það er gott að fá Göran Persson til landsins. Hann hefur stýrt sinni þjóð í gegnum svipaðan vanda og við glímum við í dag.

Hann sagði margt gott en eitt greip athygli mína umfram annað.

"Ég gerði það og endaði sem einn hataðasti stjórnmálamaður í Svíþjóð um áraraðir, en það var þess virði þar sem hinn valkosturinn var verri"

Vantar vissulega samhengið hérna í kring en það að hann hafi orðið einn hataðasti stjórnmálamaður Svíþjóðar er athyglivert. Stjórnmálamenn á Íslandi eru langt frá því að vera vinsælir þessa dagana.

Ég get aðeins vonað að þær aðgerðir sem verið er að vinna að skili sér á endanum. Einnig vona ég að hlustað verði á Persson.

Vandinn er bara svo stór að flókinn að við skiljum hann ekki.

Ég er hagfræðimenntaður en stend eigi að síður með spurningamerki yfir höfðinu þegar ég reyni að ná utan um hvað er í gangi. Þetta er flókinn og umfangsmikill vandi og þær ákvarðanir sem stjórnmálamenn þurfa að taka munu verða óvinsælar margar hverjar.

Með hjálp alþjóða gjaldeyrissjóðsins, fræðimanna hér á landi og manna eins og Göran Persson ættum við þó að geta silgt í gegnum þetta án mikið meiri skakkafalla.

Hrunið er orðinn hlutur, núna tekur uppbyggingin við. Vandinn er ekki heimatilbúinn heldur stærðin á honum. Hluti uppbyggingarinnar hlýtur þ.a.l. að felast í því að verja okkur fyrir utanaðkomandi skellum á við þann sem skall á okkur og heimsbyggðinni núna í haust þannig að við komum ekki eins illa út úr næsta skelli, hvenær svosem hann verður.

Góðar stundir

Sá gamli.

Persson: Aukin lántaka - aukinn vandi

Þar hafiði það

"Sýnið hvernig þetta er" sagði Guðjón (minnir að hann heiti það) og það sáum við. Ung stúlka öskrar á lögregluþjón sem stendur kjurr og sinnir sínu lögboðna hlutverki, kallar hann svín og hrækir framan í hann, á meðan stendur hann aðgerðarlaus. Hún segir hann hafa kreist handlegg hennar, væntanlega hefur hann haldið í hann, gripið þéttingsfast. Maður með grímu um andlitið ögrar lögreglunni, "þeir eru að bíða eftir því að fá að nota piparúða". Að þeir skuli ekki hafa gert það er með ólíkindum. Þvílikt langlundargeð og prúðmennska. Þvílík þolinmæði.

Friðsöm mótmæli? Fæ það ekki séð.

"Hvað með glæpinn sem þeir frömdu á okkur?" spyrja sumir. Er hægt að afsaka allt með þessum "glæpum" sem unnið er að að rannsaka? Nei, það er engin afsökun. Dómsvaldið er dómstólanna, ekki götunnar.

Ég vil að lokum hrósa lögreglumönnum. Þetta eru menn og konur sem búa í sama landi og við, við sömu aðstæður. Mæta í vinnuna og takast á við slys, dauðsföll, sorgir og fá þess á milli að þola skítkast og ásakanir frá æstum dómstóli götunnar sem telur að því er virðist 20 - 30 manns. Að loknum sínum vinnudegi, fara þeir úthræktir og andlega meiddir, og stundum líkamlega eins og í gær, til síns heima og opna sína reikninga, kíkja á heimabankann, faðma börnin sín og lifa sínu lífi. Hrós til þeirra allra.

M.b.k.

Sá gamli

Vilja ríkisstjórnina burt

Ráðamenn fagna þessu sjálfsagt

Þetta hlýtur að vera léttir fyrir ráðamenn, fámennur hópur manna dregur að sér athygli fjölmiðla og þar með minnkar athyglin á ráðamennina sjálfa og verk þeirra. Mótmælendur skiptast upp í hópa með eða á móti aktivisma og heitar umræður spilast upp um réttlæti þeirra.

Á meðan sitja ráðamenn, sumir hræddir, aðrir rólegir en allir sitja þeir. Ekki knýr þetta á kosningar, ekki skilar þetta tillögum um lausnir, þetta skilar engu nema sundrung.

Persónulega vil ég ekki kjósa núna, enginn hefur komið fram með neitt til að kjósa um. Ef á að kjósa þarf ekki að kjósa um flokka eða fólk, það þarf að kjósa um lausnir. Ef enginn býður lausnir er illskást að búa við sömu ráðamenn, þeir eru þó að reyna af veikum mætti, þó megi deila um aðferðir eða afköst.

Vinstri grænir vilja kjósa núna því þeir sjá fylgi í skoðanakönnunum, auðvitað, þeir eru í stjórnmálum til að komast í valdastöður og hafa áhrif og eru tækifærissinnar. En þeir bjóða ekki lausnir, frekar en anarkistar eða aðrir.

Hlustum á fræðimennina, ráðamenn eiga líka að hlusta á fræðimennina. Leysum málið, hættum að flækja það.

Sá gamli

Átök við Ráðherrabústaðinn

,,Leynimakk"

Hvað er að fólki?

Margir eru fúlir yfir því að geta ekki gramsað í reikningum annarra vegna hugsanlegrar sölu Kaupþings í Luxemburg. Ég bara skil ekki afhverju fólk langar að gera þetta? Hvað er að því að eiga pening erlendis? Ég persónulega væri með reikninga einhversstaðar erlendis ef ég ætti mikla peninga, til að dreifa kerfisáhættu. Fjármagnsflótti, hvað er það? Er það ekki þegar ég kaupi mér hlutabréf í IBM, eða hús í Frakklandi, já eða set peninga inn á reikning í Luxemburg?  Var það lögbrot? Fólk heldur að það að eiga pening sé glæpur nú til dags, og sérstaklega í löndum þar sem stjórnmálamenn geta ekki skoðað reikningsyfirlitin." Ólöglegur fjármagnsflótti og leynimakk!" er hrópað úti á götum og inni í  gömlum húsum í miðbænum. Einmitt. Hvað er ólöglegur fjármagsflótti? Ég fæ ekki betur séð en að ,,þessir menn" hafi farið að öllum lögum og flutt peningana sína úr landi á fullkomlega löglegan hátt. 

Ég vona bara að salan gangi í gegn í Luxemburg svo innistæðueigendur tapi ekki eignum sínum.

kv,

sá bitri

Ekki ákvörðun um Kaupþing

Félagsfræðitilraun

Davíð er sauður í úlfagæru. Það er niðurstaðan sem ég hef komist að eftir miklar vangaveltur. Hann reynir eftir bestu getu, og það gengur einstaklega vel, að róta upp eins miklu fjaðrafoki og hann getur. Ruglar fólk í ríminu, hótar að koma aftur í stjórnmál, breytir frásögnum á hverjum degi og bætir alltaf agnar ögn af ,,upplýsingum" við í hvert skipti. Hann virðist vera afar skipulagður og hefur tekið sér langan tíma í að setja upp þessa stórskemmtilegu tilraun sem hann er að framkvæma núna.

Hann er eins og lítið barn sem er að gá hvað hann kemst langt án þess að láta foreldra sína öskra á sig. Svo koma stjórnarslit, IMF hætta við frekari lántöku, neyðarstjórn er þvinguð til að loka landinu tímabundið vegna gjaldeyrisskorts og óeirðir og blóðbað gýs upp á Ingólfstorgi. Þá stendur Davíð upp brosandi og segir: ,,Djók! Þetta var bara tilraun. Ég bara varð hreinlega að gá hvað ég kæmist upp með mikla vitleysu áður en fólk sæi í gegnum planið. Ég er ekki lögfræðingur og ég er í rauninni bara hobbý-stjórnmálamaður... Ég er félagsfræðingur og þið, elsku þjóð, eruð tilraunadýrin mín. Ykkur er öllum boðið í grillveislu í bústaðnum mínum sem þakklætisvott fyrir þáttökuna! Kveðja, Davíð Oddson"

Svo skrifar Davíð merkasta félagsfræðirit seinni tíma og fær nóbelsverðlaunin að launum. Og við þökkum honum fyrir afrek sín í þágu þjóðarinnar. Hver þarf alþjóðaviðskipti hvort eð er? Ekki ég!

 kveðja,

sá bitri....

Ingibjörg: Aldrei talað um 0% líkur

Bull og vitleysa

Krónan styrkist um 8% í dag.

Rangt! Það eru höft á krónunni og því ekki eðlileg verðmyndun. Þessi viðskipti gefa enga mynd af jafnvægisgengi krónunnar. Ég er reyndar afar vonsvikinn að hún hafi ekki styrkst meira, þessi niðurstaða staðfestir grun minn að jafnvægisgildi krónunnar er í raun óþægilega ódýrt.

Það má líkja þessum viðskiptum við einstefnu. Sjáum fyrir okkur ef það væri sett einstefna á Miklubrautina og allar leiðir inn í miðbæinn. Svo kæmi frétt um kvöldið þar sem talað væri um hve miðbærinn væri vinsæll og allir hefðu streymt í miðbæinn og enginn vildi fara. Bull og vitleysa. Það að krónan hafi hækkað um einungis 8% í viðskiptum þar sem allir meiga kaupa en aðeins 3 aðilar selja (og þeir hafa afar takmarkaðan lager) segir að varan sé ekki verðmikil.

 Gott fólk. Dragið hausinn upp úr holunni og opnið augun. 

 kveðja,

sá bitri.

Krónan styrktist um 8%

Öflugasti þrýstihópur landsins.

Bændasamtökin hafa ótrúleg áhrif. Bændur eru um 3% af þjóðinni og samtök þeirra gefa út 3 tímarit og hafa bein og óbein áhrif á alla löggjöf varðandi landbúnað á Íslandi. Hvað eigum við lengi að vera fangar þessara 3% ? Það væri þjóðhagslegra hagkvæmara að borga þessm 9þúsund aðilum atvinnuleysisbætur, leggja niður allan stuðning til landbúnaðar og afnema öll höft á matvæli. Hagur þessara 3% myndi auðvitað versna en allra hinna 97% myndi batna. Ímyndið ykkur helmingi lægra matvælaverð. Það er fólk úti í heimi sem getur framleitt jafn góðar vörur, ef ekki betri, fyrir lægra verð. Þessir 9000 aðilar geta svo einbeitt sér að því að byggja upp ferðamensku eða stundað skórækt. Látum ekki minnihlutann kúga meirihlutann. Hugsum okkar gang.

kv,
sá bitri

Von á matvælafrumvarpi á Alþingi

Feministarnir og karlhlýjan.

Vísa í fyrri færslu mína.

Sá gamli.

Gagnrýna sýknudóm í kynferðisbrotamáli

Blogghamfarirnar v. 2

Nú keppast bloggararnir við að úthúða presti. Leggja sinn eigin dóm og öskra oj.

Lúkas er víða.

Ég vil þó velta einu fyrir mér, án þess að leggja dóm á það hvort umræddur prestur hafi gengið of langt.

Hefði þetta verið kært væri hér um að ræða kvenprest? Nú veit ég að kvenkyns grunnskólakennarar leggja stundum hönd létt á öxl barna þegar þau láta illa og gefst það vel en karlkennarar eru varaðir við því að gera þetta.

Innræting samfélagsins er nefnilega sú að karlmenn sem snerta vilja meira og eru dónakallar.

Og það merkilega við þetta allt saman er að feministar fara fremstir í flokki þeirra sem festa þessi viðmið í sessi. Feministarnir sem gera mikið úr staðalímyndum kynjanna, öskra "kynferðisglæpamaður!" um hlýja karlmenn. Staðalímyndin er orðin svo sterk að það kemur hik í mig þegar dætur systra minna skríða í fangið á mér yfir skemmtilegri teiknimynd. Bara það að þessi hugsun skuli ósjálfrátt koma upp í kolli mér sýnir hve sterk innprentun samfélagsins er orðin, hlutverk mitt er ekki að vera hlýr, ég má það ekki.

Takk feministar.

Sá gamli.

Sýknaður af ákæru fyrir kynferðisbrot

Of stolt til að laða að okkur ferðamenn?

Vissulega má deila á þessa auglýsingu. En er hún sú lágkúra sem sumir vildu vera láta? Mér sýnist við fyrstu athugun að viðbrögðin við þessari auglýsingu séu harkalegri en "dirty weekend in Iceland", eru það rökrétt viðbrögð?

Hvað segir það okkur?

Af hverju má ekki auglýsa Ísland sem ódýrt verslunarland? Er ástandið hér á landi leyndarmál?

Erum við með þessu að forðast raunveruleikann? Nei held ekki en kannski er þjóðarstoltið farið að þvælast fyrir. Þetta er saklaust, satt og ef til vill nettur húmor í þessari auglýsingu.

Aukin verslun erlendra ferðamanna hér á landi eru frábærar fréttir, fyrir okkur öll. Það er ekkert rökrétt við það að taka þessa auglýsingu svona nærri sér.

Sá gamli.

Auglýsingaspjöld tekin niður